Creative destruction - Nobel Prize

 'Creative destruction' - 

Nobel Prize : సృజనాత్మక విధ్వంసానికి సైద్ధాంతిక పునాది

ABN , Publish Date - Oct 14 , 2025 | 03:53 AM


ఆర్థికశాస్త్రంలో కీలక అంశమైన ‘సృజనాత్మక విధ్వంసం’ ను వివరించి, తాజా పరిస్థితులకు అనుగుణంగా అన్వయించినందుకుగాను......


Nobel Prize : సృజనాత్మక విధ్వంసానికి సైద్ధాంతిక పునాది


జోయల్‌ మోకిర్‌, ఫిలిప్‌ అఘియొన్‌, పీటర్‌ హోవిట్‌లకు ఆర్థికశాస్త్రం నోబెల్‌


స్టాక్‌హోం, అక్టోబరు 13: ఆర్థికశాస్త్రంలో కీలక అంశమైన ‘సృజనాత్మక విధ్వంసం’ ను వివరించి, తాజా పరిస్థితులకు అనుగుణంగా అన్వయించినందుకుగాను అమెరికాకు చెందిన జోయల్‌ మోకిర్‌, పీటర్‌ హోవిట్‌, బ్రిటన్‌కు చెందిన ఫిలిప్‌ అఘియొన్‌ ఈ ఏడాది ఆర్థికశాస్త్రం నోబెల్‌ బహుమతికి సంయుక్తంగా ఎంపికయ్యారు. ఈ మేరకు నోబెల్‌ కమిటీ సోమవారం ఒక ప్రకటన చేసింది. 


ప్రయోజనకరమైన వినూత్న టెక్నాలజీలు పాత టెక్నాలజీలను, వ్యాపార నమూనాలను ధ్వంసం చేసి కొత్త వాటికి దారి వేస్తాయి అని చెప్పేదే సృజనాత్మక విధ్వంసం సిద్ధాంతం. 


1942లో జోసెఫ్‌ స్కంపీటర్‌ అనే ఆర్థికవేత్త ‘పెట్టుబడిదారీ విధానం, సమసమాజం, ప్రజాస్వామ్యం’ అనే పుస్తకం ద్వారా ఈ సిద్ధాంతాన్ని తొలిసారిగా ప్రతిపాదించారు. తర్వాత కాలంలో దీనిని అభివృద్ధిపరిచిన ఘనత జోయల్‌ మోకిర్‌, ఫిలిప్‌ అఘియొన్‌, పీటర్‌ హోవిట్‌లదేనని ఆర్థికశాస్త్ర నోబెల్‌ కమిటీ పేర్కొంది. 


‘ఆర్థికాభివృద్ధి దానంతటదే కొనసాగదు. సృజనాత్మక విధ్వంసానికి అనుకూలమైన విధానాలను, పద్ధతులను మనం ఎప్పటికప్పుడు తీసుకొస్తూ ఉంటేనే స్తబ్ధత బారిన పడకుండా ఆర్థికరంగాన్ని కాపాడగలుగుతాం’ అని ఒక ప్రకటనలో తెలిపింది.


సృజనాత్మక విధ్వంసం ద్వారా పాత టెక్నాలజీలు, వ్యాపార నమూనాలు కనుమరుగై కొత్తవి ముందుకు రావటం వెనుక ఉన్న కారణాల్ని శాస్త్రీయంగా జోయల్‌ మోకిర్‌ వివరించారని, ఫిలిప్‌ అఘియొన్‌, పీటర్‌ హోవిట్‌లు ఈ సిద్ధాంతానికి గణితపరమైన మోడల్‌ను తయారుచేశారని వెల్లడించింది. 


కాగా నోబెల్‌ బహుమతి కింద ఇచ్చే 12 లక్షల డాలర్ల నగదు మొత్తంలో సగాన్ని మోకిర్‌ తీసుకోనున్నారు. మిగిలిన సగాన్ని ఫిలిప్‌ అఘియొన్‌, పీటర్‌ హోవిట్‌ పంచుకుంటారు. ఆర్థికశాస్త్రం నోబెల్‌ తో ఈ ఏడాది నోబెల్‌ పురస్కారాల ప్రకటన ముగిసింది.


పోప్‌ అవుతానేమోగానీ నోబెల్‌ రాదనుకున్నా!


79 ఏళ్ల వయసున్న మోకిర్‌కు.. నోబెల్‌ బహుమతికి ఎంపికైన విషయాన్ని ఒక విలేకరి తెలియజేశారు. ఆయన ఆశ్చర్యపోయారు. తనకు నోబెల్‌ వచ్చే అవకాశం ఉందని తన సహచరులు, విద్యార్థులు పలుమార్లు చెప్పినా తాను నమ్మలేదన్నారు. ‘పోప్‌ పదవికి ఎంపిక అవుతానేమోగానీ ఆర్థికశాస్త్రంలో నోబెల్‌కు మాత్రం ఎంపిక కాను’ అని సరదాగా జోక్‌ చేసేవాడినని చెప్పారు.


 ఫిలిప్‌ అఘియొన్‌ (69) స్పందిస్తూ.. తనకు లభించే బహుమతి మొత్తాన్ని తన రీసెర్చ్‌ ల్యాబొరేటరీకి ఖర్చు చేస్తానని వెల్లడించారు. కాగా, 2017లో ఫ్రాన్స్‌ అధ్యక్ష ఎన్నికల్లో మక్రాన్‌కు ఆర్థిక రంగంలో అఘియొన్‌ కీలక సహకారం అందించారు. ఏఐ రంగంలో ఫ్రాన్స్‌ను అగ్రగామిగా నిలబెట్టటానికి తీసుకోవాల్సిన చర్యలను సూచిస్తూ.. గత ఏడాది మక్రాన్‌కు అఘియొన్‌ సహ సారథ్యం వహించిన ఓ కమిటీ నివేదిక సమర్పించింది.


సృజనాత్మక విధ్వంసం 

నేటి బజ్ వర్డ్ 



1942లో జోసెఫ్‌ స్కంపీటర్‌ అనే ఆర్థికవేత్త ‘పెట్టుబడిదారీ విధానం, సమసమాజం, ప్రజాస్వామ్యం’ అనే పుస్తకం ద్వారా ఈ సిద్ధాంతాన్ని తొలిసారిగా ప్రతిపాదించారు. 



Capitalism, Socialism and Democracy

1942 Book by Joseph A. Schumpeter

Comments

Post a Comment

Popular posts from this blog

2 వేల మంది కుబేరుల చేతిలో 460 కోట్ల మంది సంపద

2 వేల మంది కుబేరుల చేతిలో 460 కోట్ల మంది సంపద * ఆక్స్‌ఫామ్‌ తాజా అధ్యయనంలో వెల్లడి * భారత్‌లోనూ ధనవంతుల వద్ద భారీగా పోగుపడ్డ సంపద ప్రపంచంలోని 460 కోట్ల మంది నిరుపేదలకు చెందిన సంపద దాదాపు 2 వేల మంది శతకోటీశ్వరుల చేతుల్లో చిక్కుకున్నదని ఆక్స్‌ఫామ్‌ యూని వర్శిటీ నిర్వహించిన తాజా అధ్యయనంలో వెల్లడయింది. స్విట్జర్లాండ్‌లోని దావోస్‌లో త్వరలో జరుగనున్న ప్రపంచ ఆర్థిక వేదిక సదస్సు నేపథ్యంలో ఈ సంస్థ తన అధ్యయన నివేదికను సోమవారం ఇక్కడ విడుదల చేసింది. 'టైమ్‌ టు కేర్‌' పేరుతో విడుదలయిన ఈ నివేదిక ప్రపంచ ఆర్థిక వ్యవస్థలో కొనసాగుతున్న స్త్రీ-పురుష, పేద-ధనిక విభేదాలను ప్రధానంగా ఎత్తి చూపింది. సంపన్నులైన పురుషులు అందలాలెక్కుతున్న ఈ వ్యవస్థలో పని, పనికి తగిన వేతనం లభించక అనేక మంది మహిళలు, యువతులు ప్రపంచ వ్యాప్తంగా తీవ్ర ఇబ్బందులెదుర్కొంటు న్నారని ఈ నివేదిక వెల్లడించింది. వీరికి అందని వేతనాల విలువ ప్రపంచవ్యాప్తంగా ఏటా 10.8 లక్షల కోట్ల డాలర్లకు పైగా వుంటుందని, ఇది టెక్నాలజీ పరిశ్రమ విలువకు మూడు రెట్లు అధికమని ఈ నివేదిక వివరించింది. ఇప్పటికీ అధికశాతం ఆర్థిక ప్రయోజ నాలు సంపన్నులకు, అధికశాతం మంది పురుష...
Read more

Invisible hand - Adam Smith

Invisible hand Description DescriptionThe invisible hand describes the unintended social benefits of an individual's self-interested actions, a concept that was first introduced by Adam Smith in The Theory of Moral Sentiments, written in 1759, invoking it in reference to income distribution. Image result for Adam Smith's Invisible Handwww.amazon.com Definition of 'Invisible Hand' Definition: The unobservable market force that helps the demand and supply of goods in a free market to reach equilibrium automatically is the invisible hand. Description: The phrase invisible hand was introduced by Adam Smith in his book 'The Wealth of Nations'. Invisible hand, metaphor, introduced by the 18th-century Scottish philosopher and economist Adam Smith, that characterizes the mechanisms through which beneficial social and economic outcomes may arise from the accumulated self-interested actions of individuals, none of whom intends to bring about such outcomes. The c...
Read more

India @3 at 2028 Morgan Stanley

 2028 నాటికి భారత్‌@:3 ABN , Publish Date - Mar 14 , 2025 | 04:29 AM భారత్‌ 2028 నాటికి ప్రపంచంలో మూడో అతిపెద్ద ఆర్థిక వ్యవస్థగా మారుతుందని, అప్పటికి భారత ఆర్థిక వ్యవస్థ పరిమాణం 5.7 లక్షల కోట్ల డాలర్ల (సుమారు రూ.495 లక్షల కోట్లు) చేరుతుందని అంతర్జాతీయ ఆర్థిక సర్వీసుల సంస్థ మోర్గాన్‌.... 2028 నాటికి భారత్‌@:3 ప్రపంచంలో మూడో అతిపెద్ద ఆర్థిక వ్యవస్థగా అవతరించే చాన్స్‌ జూ మోర్గాన్‌ స్టాన్లీ న్యూఢిల్లీ: భారత్‌ 2028 నాటికి ప్రపంచంలో మూడో అతిపెద్ద ఆర్థిక వ్యవస్థగా మారుతుందని, అప్పటికి భారత ఆర్థిక వ్యవస్థ పరిమాణం 5.7 లక్షల కోట్ల డాలర్ల (సుమారు రూ.495 లక్షల కోట్లు) చేరుతుందని అంతర్జాతీయ ఆర్థిక సర్వీసుల సంస్థ మోర్గాన్‌ స్టాన్లీ అంచనా వేసింది. 2023లో 3.5 లక్షల కోట్ల డాలర్లున్న భారత ఆర్థిక వ్యవస్థ 2026 నాటికి 4.7 లక్షల కోట్ల డాలర్లకు చేరుతుందని, ఫలితంగా అమెరికా, చైనా, జర్మనీ తర్వాతి స్థానంలో నాలుగో పెద్ద ఆర్థిక వ్యవస్థగా రూపాంతరం చెందుతుందని పేర్కొంది. అత్యంత ఆకర్షణీయ వినియోగ మార్కెట్‌గా మారడం, ప్రపంచ ఉత్పాదకతలో తన వాటా పెంచుకోవడం, విధానపరమైన మద్దతుతో సాధించిన స్థూల ఆర్థిక స్థిరత్వం, మెరుగైన మ...
Read more